Кеча жамоамиз аъзолари ўзларининг навбатдаги машғулотларини ўтказишди.

Рўзиқул Бердиев бошчилигида ўтган машғулотларнинг асосий қисмида футболчиларимиз турли хил комбинацион ўйин ташкил этиш, дарвозаларга зарба бериш бобида меҳнат қилишди.

"Металлург" билан ўйинга тобора оз муддат қолмоқда. Футболчиларимиз буни ҳис қилган ҳолда Бекободда бўладиган баҳсга жиддий тайёргарлик кўришмоқда.

Ушбу беллашувни жамоамизнинг икки нафар ҳимоячилари Шуҳрат Муҳаммадиев ва Ҳамза Каримов ўтказиб юборишади. Шуҳрат Муҳаммадиевнинг огоҳлантиришлари сони тўрттага етганлиги сабабли мураббий унинг хизматидан фойдалана олмайди. Ҳамза Каримов эса ҳозирда жароҳатини даволаш билан банд.

Ҳамза Каримов кейинги ҳафта ўрталаридан машғулотларга киришиши кутилмоқда.

Эслатиб ўтамиз, Олий лиганинг 24-тури доирасидаги "Металлург"га қарши ўйин 30 сентябрь куни Бекобод шаҳрида бўлиб ўтади.

"Насаф": "Металлург" билан ўйинга 1 кун қолди