Тошкентдаги учрашувни томоша қилиш учун стадионга 11 минг мухлис ташриф буюрди. Мазкур баҳсга томошабинлар оқими "қалдирғочлар" раҳбарияти кутганидан анча кўп бўлгани туфайли ўйин учун чиқарилган чипта етмай қолди. Шундан кейин эски чипталар сотувга чиқарилган. Улар ҳам тугаганидан кейин стадион эшиклари очиб юборилгани айтилмоқда.

Энг қизиғи, стадионга мухлислар оқими 1-бўлимнинг охирига қадар давом этди. Шу воқеада "Бунёдкор" раҳбариятининг 2 та хатоси кўзга ташланиб қолди:

а) етарлича чипта чиқарилмагани боис клуб анчагина даромаддан қуруқ қолди.

б) чипталар фақат битта кассадан сотилгани туфайли узун навбат вужудга келди ва бу мухлислар учун катта ноқулайлик туғдирди.

Таклиф: Келажакда шундай муаммоларнинг олдини олиш учун барча жамоаларимиз чипталарнинг онлайн сотувини дарҳол йўлга қўйишлари керак. Бу ишончли, қулай ва шаффоф. Кеча стадионда ажойиб атмосфера юзага келтирган "аждарлар"га эса алоҳида респект!

"Насаф" мухлисларига чипта етмади