Тадбирда клуб президенти, "Шўртангазкимё" мажумаси раҳбари Шуҳрат Асланов, клуб бош директори Алишер Юсупов, жамоа бош мураббийи Рўзиқул Бердиев сўзга чиқиб, жамоа фан клуби "Насаф" билан доимо бирга эканлигидан мамнун эканликлари, жамоанинг улкан мақсадлари йўлида ишқибозларнинг майдондаги ўрни доимгидан ҳам муҳимроқлиги ва Суперлиганинг қолган 9 та ўйиннинг ҳар бири финалга тенг эканлигини қайд этиб, мухлисларни севимли жамоасини янада якдил бўлиб қўллаб қувватлашлари зарурлигини таъкидлаб ўтишди.
Бир пиёла чой устида ташкил этилган тадбирда мухлислар ўзларини қизиқтирган барча саволларга клуб раҳбари ва бош мураббийи томонидан батафсил жавоб олишди. Жамоа ривожи учун ўз таклифларини билдиришди. Тадбир якунида сўровномаларда фаол иштирок этган иштирокчиларга, фахрий мухлисларга футболчилар дастхати туширилган футбол тўплари, эсдалик совғалари топширилди.
Бош жамоамизнинг олдинда турган муҳим ўйинларига янада кучлироқ, ҳамжиҳатроқ, бир оила бўлиб ҳаракатланиши, ҳакамлар ва рақибларни ҳурмат қилган ҳолда мухлислик қилиш келишиб олинди. "Насаф"нинг чемпионлик йўлидаги дадил қадамларига омад тиланди.
Изоҳлар