Шамил Самигуловичнинг раҳбарлик йилларида “Насаф” футбол клуби инфратузилмасидаги ижобий ўзгаришларни фахр билан тилга олиш мумкин. Айниқса, кейинги пайтларда кўпмингсонли мухлисларимиз учун, “Марказий” стадионда яратилаётган шароитлар барчамизни хурсанд қилмасдан қолмайди.

Шамил Самигуловичнинг раҳбарлик йилларида, ёш футболчилардан муносиб ўринбосарлар тайёрлаш – клуб фаолиятининг устивор вазифасига айлантирилди. Бу саъй-ҳаракатларнинг натижаларини бугун ҳамма эътироф этмоқда.

Катта меҳнат жамоасига раҳбарлик қилиш ҳеч қачон осон кечмаган. Ҳар бир ходимнинг муаммоси-ю, кайфиятидан доимо хабардор бўлиш, уларга ўз вақтида эътиборда бўлиш, бугунги кунда кишидан катта жасорат талаб қилади. Ана шундай раҳбарлик ва инсонийлик маъсулиятини ўз зиммасига олган раҳбаримиз, жамоамиз ҳурматида ва эътирофидадир.

Шамил ака бугун қутлуғ 61 ёшга тўлдилар! У кишини клубимизда меҳнат қилаётган барча ходимларлар номидан, мураббийлару-футболчилар номидан ҳамда “Насаф” клубининг ҳамма мухлислари номидан самимий табриклаймиз! У кишига мустаҳкам сиҳат-саломатлик, узоқ умр ва бахт-саодат тилаймиз. Раҳбар сифатида олиб бораётган машаққатли фаолиятингизда асло чарчаманг, деймиз!

Яна бир марта туғилган кунингиз муборак бўлсин!

"Насаф": Шамил Самигуловични табриклаймиз!