- Эртага (муаллиф: бугун) жамоа йиғилади. Бугун (муаллиф: кеча) йилнинг энг яхшиларини тақдирлаш маросими ажойиб руҳда ўтди. Биздан ҳам лауреатлар бўлди. Биласиз, Рўзиқул Бердиев йилнинг энг яхши мураббийи бўлган бўлса, "Насаф" академияси энг яхши академия номига сазовор бўлди. Бу тақдирлаш маросими эндиликда бизнинг янги йил кечасига бағишлаб қиладиган базмимизга қўшилиб кетади.

Шунингдек, эртага (муаллиф: бугун) раҳбарият билан учрашиб, ташкилий масалалар, янги мавсум режасини ҳал қилиб оламиз. Унгача таркиб борасида айтарли бир нарса дея олмайман. Асосий мақсадимиз ҳозирги мавжуд таркибни сақлаб қолиш. Кейинчалик эса таркибни янада кучайтириш масаласи турибди.
Айни пайтда барқарор жамоага эгамиз. Лекин бир нечта чизиқлар бўйича таркибни кучайтириш лозим. Аммо ҳозирча аниқ номларни айта олмайман. Яқин орада янгиликлар бўлиб қолса керак.
Игорь Голбан? Унинг шартномаси якунига 31 декабрда якунига етади. Агар у қолишни истаса ва шартнома борасида келиша олсак, унда ҳамкорлик давом этади.

Легионерлар жалб этиш? Бу ҳам раҳбарият билан учрашувда ҳал бўладиган масала. Биз лимитдан фойдаланиб легионер жалб этишни истаймиз. Агарда молиявий имкониятларимиз етарли бўлса, унда яна янги легионерларни олиб келиш режаси бор", - деди Виталий Ни.

"Насаф" спорт директори: "Бугун раҳбарият билан учрашувда кўп масалалар ҳал бўлади"