Ҳатто вазият шу даражага бориб етганки, клуб ўз ўринбосарларини зўрға сафар ўйинларига юбормоқда. Маълумки, "Насаф" ёшлари эртага Олмалиқда АГМК меҳмони бўлишади. Аввалига ўринбосарлар пул муаммоси туфайли сафар учрашувига бора олмайди деган хабар чиққанди.

Биз вазиятга ойдинлик киритиш мақсадида "Насаф" ПФК спорт директори Виталий Ни билан боғландик. Виталий Николаевич бу борада шундай деди:

"Клубимизда чиндан ҳам молиявий муаммолар борлиги қуруқ гап эмас. Ҳатто ўринбосарларни Олмалиққа қандай юбориш ҳақида ўйлаб қолдик. Аммо ҳозирги пайтга келиб масала ҳал бўлди ва ёшларимиз АГМК билан ўйинга боришади. Мен бу ҳақда ёшларимиз мураббийи Зафар Холмуродов билан гаплашдим, унга жамоа Олмалиққа боришини айтдим. Энди бўлса футзал жамоамиз масаласини ҳал қилиш қолди".

"Насаф" футзал клуби навбатдаги турни 29-30 апрель кунлари сафарда "Сўғдиёна"га қарши ўтказади. Эндиликда футзалчиларнинг Жиззахга бориши сўроқ остида қолган. Лекин Виталий Нининг айтишича, тез орада бу масала ҳам ҳал бўлиши кутилмоқда.

Х.Холиқов.

"Насаф" спорт директори: "Ўринбосарларимизнинг Олмалиққа боришига пул топдик, энди футзал масаласи қолди"