Tengrinews.kz хабарига кўра, жамоа бош мураббийи номига даъвогарлар орасида болгариялик Или Илиев, сербиялик Любко Петрович ва германиялик Хольгер Фах ҳам бор.

Жамоанинг янги бош мураббийи номи Қозоғистон чемпионати 2-туридан ўрин олган «Ордабаси» ва «Астана» жамоалари ўртасидаги учрашувдан сўнг маълум бўлиши кутилмоқда. «Ордабаси»нинг аввалги бош мураббийи – украиналик Виктор Пасулько эса нима учун мавсум оралиғида суст трансфер сиёсати олиб борилгани ҳақидаги саволларга жавоб беришни хоҳламагани учун истеъфога чиқиш ҳақида ариза ёзган.

Қайд этиш жоиз, Виктор Пасулько ўз вақтида Ўзбекистоннинг «Шўртан» жамоасида, Анатолий Демьяненко эса «Насаф» жамоасида иш олиб борган. Пасулько Ўзбекистондаги фаолияти давомида катта ютуқларга эришмаган бўлса-да, Демьяненко Қарши жамоаси билан эътиборга молик натижаларни қайд этган.

Жумладан, 2011 йилги мавсум якунларига кўра «Насаф» Демьяненко қўл остида Осиё клубларининг иккинчи даражали мусобақаси – ОФК Кубогида ғолиб чиққан, шунингдек, Ўзбекистон Кубоги финалига етиб борган, Олий Лига баҳсларида кумуш медалларни қўлга киритган.

«Насаф»ни Осиёда чемпион қилган мураббий Қозоғистонга таклиф қилинди