Бунга мисол тариқасида “Марказий” ўйингоҳга яқин ҳудудда клуб атрибутикалари билан савдо қилувчи махсус дўконнинг очилганлиги, “Навбаҳор” ўз уй учрашувларини ўтказадиган кунлари стадион ҳудудида турли егулик ва салқин ичимликлар савдосининг ташкил этилганлиги, махсус акция ташкил этилиб, ишқибозларнинг харид қилган чипталарига “Навбаҳор” рамзи туширилган футболкалар, тўплар, соябонлар, шляпалар ютиб олишгани ва ҳоказоларни қўшиш мумкин.

“Навбаҳор” ПФК раҳбарияти Суперлига 24-тур доирасидаги “Навбаҳор” – “Металлург” жамоалари ўртасидаги учрашув арафасида яна бир хайрли ишга қўл урди. 23 сентябрь куни ўтказиладиган мазкур ўйинга севимли жамоамизнинг баҳсини бевосита ўйингоҳда томоша қилишни ихтиёр этган аёллар учун алоҳида бепул сектор ажратиладиган бўлди.

“Навбаҳор” мухлисалари энди бемалол 15-сектордан жой олиб, “лочинлар”ни барчалари биргаликда қўллаб-қувватлашлари мумкин.

“Навбаҳор” – “Металлург” ўйини 23 сентябрь куни “Марказий” ўйингоҳда соат 20:00 да старт олади.

Бўлажак баҳсда бевосита стадионда севимли жамоамизни қўллаб-қувватланг ва ғалабасига мададкор бўлинг, азиз мухлисалар!

“Навбаҳор” ПФК матбуот хизмати.

"Навбаҳор": Аёллар учун бепул сектор