Суперлига 19-тури доирасидаги “Навбаҳор” – “Пахтакор” учрашувидан бошлаб, "лочинлар" ўз уй ўйинларини ўтказадиган “Марказий” ўйингоҳга кириш чипталари арзонлаштирилиб, 30 минг сўмлик чипта нархлари 20 минг сўмга туширилди.

Энди севимли жамоа ишқибозлари 4,5, 6, 7, 8,9, 14, 15, 16, 17, 18 ва 19 секторлар учун 15 минг, 2,3, 10, 11, 12, 13, 20 ҳамда 21-секторлар учун 20 минг сўмдан чипта харид қилишлари мумкин.

Бундан ташқари, “Навбаҳор” – “Пахтакор” учрашуви учун чиқарилган ҳар бир чипта ютуқли ҳисобланиб, “Навбаҳор” мухлислари харид қилган чипталарига 2 дона смартфон, “Навбаҳор” клуби бренди остидаги футболкалар, соябонлар ва “Навбаҳор” жамоаси футболчиларининг имзолари туширилган тўплар ютиб олиш имкониятига эга бўлишади.

Демак, ишқибозлар харид қилган чипталарига севимли жамоалари иштирокидаги ўйинни томоша қилишдан ташқари, ўз уйларига совғалар билан қайтиш имкониятига ҳам эга бўлишади.

Бундан ташқари, “Навбаҳор” – “Пахтакор” учрашувидан олдин Наманганнинг таниқли хонандалари томошабинларга ўзларининг дилрабо куй-қўшиқлари билн завқ улашишади.

Суперлига 19-тури доирасидаги “Навбаҳор” – “Пахтакор” учрашуви учун чипталар 26 июлдан сотувга чиқади. Мазкур баҳс 28 июль куни соат 20:00да старт олади.

“Навбаҳор” ПФКнинг барча саъй-ҳаракатлари мухлисларга яхши ва қулай шарт-шароитлар яратишдан иборат.

Севимли жамоангиз - “Навбаҳор”ни қўллаб-қувватланг ҳамда махсус совғаларга эга бўлинг!

“Навбаҳор” ПФК матбуот хизмати.

"Навбаҳор": Чипталар нархи арзонлашди