1991 йилги мавсумда Собиқ Иттифоқ чемпионатининг биринчи лигасида тўп тепган Наманганнинг “Навбаҳор” жамоаси ўша йили турнир доирасида Санкт-Петербургнинг “Зенит” жамоаси билан ҳам баҳс олиб боради.

Дастлаб, шу йилнинг 27май анасида “Зенит”майдонига сафар уюштириб 1:3 ҳисобида мағлуб бўлган "лочинлар", иккинчи даврада яъни 11-сентябрь санасида Наманганда “Зенит” жамоасини қабул қилади ва 3:0 ҳисобида зафар қучади.

Қайд этиш жоиз, “Зенит” майдонида ўтган дастлабки учрашувда “Навбаҳор”нинг ягона голига жамоа дарвозабони Анвар Жабборов (пенальтидан) муаллифлик қилади.

Ўша оқшом Санкт-Петербург жамоаси мухлислари, пенальтидан гол урган “Навбаҳор” посбонини ўрнилардан турганча узоқ олқишлагандилар.

"Ростдан ҳам бу бўлган воқеа. Ўшанда "Зенит" дарвозасини Бирюков деган дарвозабон қўриқлаганди. Мен эса 11 метрлик нуқтадан унинг дарвозасига тўп киритгандим. Наманганда ҳали ҳамон ажойиб мухлислар бор. Қайси ҳудудига борманг футболни севишади. "Косонсой"да ҳам ўйнаганимда стадионларни тўлдириб ўтиришарди. Ютқазганимизда ҳам тик туриб олқишлаб кузатиб қўйишарди", - дея эслайди Анвар Жабборов.

"Навбаҳор" жамоасининг дарвозабони "Зенит"га гол урганини биласизми?