Кеча бўлиб ўтган йиғилишда “Навбаҳор” бош мураббийи сифатида таништирилган Илҳом Мўминжонов расман ишга киришди. Бугунги машғулотлар давомида Мўминжоновга Владимир Андреев ва Дурбек Умаралиевлар ёрдам беришди. Жамоамиз аъзолари уч кун давомида Наманганда шуғулланишади. 10 ноябрдан эса машғулотлар Тошкентда давом эттирилади. Бугунги машғулотга жароҳат сабабли маълум вақт давомида даволанишга мажбур бўлган ҳужумчи Владислав Нуриев ҳам машғулотларга қўшилди.

Жамоа мураббийлар штабида фаолият юритаётган тажрибали мутахассис Усмон Асқаралиев эндиликда ёшлар жамоаси билан ишлайдиган бўлди. Асқаралиевга ёшлар жамоасида Мустафо Байрамов ёрдам беради.

"Навбаҳор": Мўминжонов ишга киришди