"Навбаҳор" назорат учрашувида "Нефтчи"ни мағлуб этди

Narzulla Saydullayev
16 jan 2020
Бугун Қиргулидаги "Нефтчи" спорт мажмуаси ўйингоҳида Фарғонанинг "Нефтчи" ва Наманганнинг "Навбаҳор" жамоалари ўртасида назорат баҳси бўлиб ўтди.

Ўртоқлик мақомида кечган мазкур беллашувга кўплаб футбол ихлосмандлари ташриф буюрдилар.

Учрашувнинг биринчи бўлими тенг курашлар остида ўтди. Дастлабки дақиқаларда "Нефтчи" вакиллари наманганликлар дарвозасини ишғол этиш учун ҳужум ташкил этган бўлсалар, бўлим ўрталарига келиб "Навбаҳор" вакиллари ўйин тизгинини қўлга ола бошладилар. Ўйиннинг 31-дақиқасига келиб "Навбаҳор" жамоаси аъзолари ҳисобни очдилар. Бу вазиятда қанотдан етказиб берилган тўпни наманганликларнинг хорватиялик легионери Вилим Посинкович боши билан аниқ зарба йўллаб, "Нефтчи" дарвозасини ишғол қилди. Биринчи бўлим "Навбаҳор" жамоасининг кичик ҳисобдаги ғалабаси билан якунига етди.

Қизиқарли кечган баҳснинг иккинчи бўлимида дарвозаларга жами 3 та гол киритилди. Дастлаб Амирбек Жўрабоев "Навбаҳор" жамоасининг иккинчи голига муаллифлик қилган бўлса, кейинроқ Аббос Ғуломов "Навбаҳор"нинг учинчи голини киритишга муваффақ бўлди. Ниҳоят бўлим сўнгига келиб "Нефтчи" вакиллари наманганликлар дарвозасига гол киритишни уддасидан чиқдилар. Бу вазиятда учрашув ҳаками "Навбаҳор" футболчилари ўз жарима майдонлари ичида ўйин қоидасини бузди топди ва 11 метрлик нуқтани кўрсатди. Белгиланган пенальтини Идрис Бикмайкин аниқ амалга ошириб, ҳисобни қисқартирди.

Дўстона руҳда кечган баҳс "Навбаҳор" жамоасининг 3:1 ҳисобидаги ғалабаси билан якунига етди.

Ўртоқлик учрашуви.

"Нефтчи" - "Навбаҳор" 1:3 (0:1)

Фарғона. "Нефтчи" СМ ўйингоҳи.

Голлар:
Вилим Посинкович (0:1), Амирбек Жўрабоев (0:2), Аббос Ғуломов (0:3), Идрис Бикмайкин (1:3).

"Нефтчи":
Шерзод Абдураимов, Дилёр Ирматов, Жамшид Қобулов, Миржамол Неъматов, Алишер Абдувоҳидов, Отабек Зокиров (Павел Смоляченко), Исломбек Каримов, Сардорбек Сотволдиев, Санжар Зокиров, Достонбек Бобожонов, Достонбек Тошматов (Идрис Бикмайкин).

"Навбаҳор": Ўткир Юсупов, Тоҳир Шамситдинов, Ғиёс Комилов, Хуршид Мухторов, Мирзоҳид Ғофуров, Фуат Байрамов, Ислом Рашидхонов, Иван Соловьёв, Вилим Посинкович, Артём Шербак, Азизбек Турғунбоев.

Иккинчи бўлимда майдонга тушганлар: Ислом Исоқжонов, Абдулҳай Исмоилов, Шаҳзод Ҳамидов, Обид Жўрабоев, Сардор Теляков, Анвар Ҳожимирзаев, Аббос Ғуломов


Бекзод Толибов тайёрлади



Narzulla SaydullayevМақола муаллифи
Муқова: championat.asia

Изоҳлар

SardorTuropov
16 jan 2020
Pyonista pro lugani yutib hursand Uzi bu Alkash Andreydi joyi pro ligada Rossiyada ham 3 ligada ishlagan
aral2019
16 jan 2020
легионерлар кани
Go_Uzbekistan
16 jan 2020
MAQTANISH EMASKU !!! BIZNING MAXALLADAGI FUTBOL MUSOBAQASI KABI BO'LIBDI MAYDON XOLATI SPORT FORMASI BOSHQA BOSHQASI !!! O'RTOQLIK BO'LSA XAM IKKI BUYUK TARIXGA EGA BO'LGAN KLUBLAR O'YNASHGAN TUZUKROQ TASHKIL QILISHSA BO'LADI !!! YANA BILMADIM
Nodirbek86.86
16 jan 2020
Нефтчида хам таркиб ёмонмас Бу йил про лигада ғолиб бўлиб, кейинги йил супер лигага чиқамиз. ОЛҒА НЕФТЧИ
BLEYD
16 jan 2020
Stadionni ahvoli "IDIAL" darajada ekan qoil.fudbolimizdagi muammolar.1karrupsiya 2 kuluplarni tez davlat hisobidan chiqarib chet el yoki mahalliy investrlarga sotish kerak.3 yoshlar fudboli nol 4 hakamlar va yana boshqa muammolar