Энг кўп: 18-турнинг марказий учрашувига энг кўп томошабин кирди. "Нефтчи" билан кечган беллашувга 15715 нафар томошабин ташриф буюрди.

1- Алибобо Раҳматуллаевга Ўзбекистон чемпионати жорий мавсумида илк бор сариқ карточка кўрсатилди.

2- Бош ҳакам Равшан Эрматов учрашувда футболчиларга жами икки бор сариқ карточка кўрсатди. Ҳар икки огоҳлантириш ҳам "лочинлар" вакилларига тегишли.

3- "Навбаҳор"нинг иккинчи даврадаги мағлубиятсиз ўйинлар серияси учта ўйинга етди. Шунингдек, чемпионатда жамоамиз учинчи бор ўйинда ўз дарвозаси дахлсизлигини сақлаб қолди. Аввал "Қўқон-1912" (11-тур) ва "Сўғдиёна" (4-тур) жамоаларини бир хил 1:0 ҳисобида таслим этилганди.

4- Тўрт йилдан буён "Нефтчи" Намангандан ғалабасиз қайтишга мажбур бўлмоқда. Сўнгги бор ушбу рақиб 2011 йилда "Навбаҳор" майдонидан 3 очко билан уйига қайтган. Дарвоқе, Равшан Эрматов амалдаги мавсумда тўртинчи бор жамоамиз иштирокидаги учрашувни бошқарди.

5- "Навбаҳор" ўз майдонида чемпионатдаги бешинчи ғалабасини тантана қилди. “Лочинлар” «Нефтчи»ни ўзаро ўйинлар тарихида бешинчи маротаба 1:0 ҳисобида таслим этишди.

6- Ҳужумчимиз Улуғбек Бақоев жорий йилги Ўзбекистон чемпионатида ўзининг олтинчи голини нишонлади. Шунингдек, Бақоев "лочинлар"нинг иккинчи даврадаги олтинчи голига ҳам муаллифлик қилди.

7- Олий лига-2015даги ғалабаларимиз сони еттитага етди. Бундан ташқари, иккинчи давранинг уч ўйинида етти очко жамғардик.

8- Жамоамиз саккизинчи ўринда турибди. Кучли бешликка кириш учун эса шунча очко етмаяпти.

10- Ўзбекистон чемпионатлари тарихида "Нефтчи" Наманганда ўнинчи маротаба мағлуб этилди.

11- "Навбаҳор"нинг голли серияси 11 та ўйинга етди. Охирги маротаба футболчиларимиз 7-турда "Пахтакор" дарвозасини ишғол эта олишмаганди. Демак, 10 майдан буён ўйинчиларимиз майдонни голсиз тарк этмай келишмоқда.

12- "Навбаҳор" "Нефтчи" устидан ўзаро учрашувлардаги 12-ғалабасини қўлга киритди.

"Навбаҳор" - "Нефтчи" учрашувига оид фактлар