Ўзбекистон Республикаси Президентининг 2019 йил 4 декабрдаги «Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида»ги ПФ-5887-сонли Фармони ижросини таъминлаш мақсадида ҳамда 2025 йил Тошкент шаҳрида ёшлар ўртасида ИВ Осиё ўйинларига тайёргарлик кўриш ва футбол маҳорат мактабига селекция ишларини олиб бориш мақсадида 2010 йилда туғилган ўсмирлар ўртасида спортнинг футбол тури бўйича Навоий вилояти миқёсида мусобақасига старт берилди.

Мусобақа давомида жамоалар турли хил қизиқарли учрашувларда майдонга чиқишди майдондаги ўсмирлар орасидан энг яхшиларини Навоий вилоят футбол маҳорат мактаби селекционер мураббийлари махсус сертификат билан тақдирлашди.

Навоий вилоят футбол маҳорат мактаби (футбол академия) томонидан тайёрланган ушбу сертификат 2010 йилда туғилган ўсмир иқтидорли футболчиларга тақдим этилади. Мана шу сертификат билан тақдирланган ўсмирлар 2021 йил август ойида ўтказиладиган қабул имтиҳонларига таклиф этилади.

14 апрель куни Кармана туманида

15 апрель Навбаҳор тумани

16 апрель Қизилтепа тумани

19 апрель Конимех тумани

21 апрель Зарафшон шаҳар

22 апрель Томди тумани

23 апрель Учқудуқ шаҳар

29 апрель Нурато тумани ва Ғазғон шаҳар

30 апрель Хатирчи туманиларида

мусобақанинг туман босқичи ўтказилади.

Ҳар бир туман ва шаҳардан терма жамоалар шакиллантирилади ва жамоалар мусобақанинг финал босқичига йўл олишади. Финал босқичи 15-16 май кунлари Навоий шаҳридаги "Кимёгар" ўйингоҳида бўлиб ўтади. Мусобақа давомида иқтидорли ўсмирлар футбол маҳорат мактаби (футбол академия) якуний имтиҳонига таклиф этилади.

Навоийда селекция ишлари давом этмоқда