Қизиқарли кечган учрашувда 2:2 ҳисоби қайд этилди. Учрашувда дастлаб япониялик футболчилар Крис Смоллинг хатоси эвазига ҳисобни очишди. Жарима майдони ташқарисида Смоллинг тўп назоратини йўқотди уни рақиб футболчиси Сугимото эгалаб олган ҳолда тўпни дарвозага жойлади 1:0. Биринчи бўлимда "Манчестер Юнайтед" қанчалик гол уришга ҳаракат қилишмасин буни удалай олишмади. Шундай қилиб жамоалар 1:0 ҳисобида танаффусга чиқиб кетишди.

Иккинчи бўлимни "Манчестер Юнайтед" анчайин ҳужумкор руҳда бошлади. Кетма кет ҳужумлар 54- дақиқага келиб ўз самарасини берди. Бурчакдан тўпни комбинацион усулда ўйинга киритиб Гиггз жарима майдони ичига кириб келди. Жарима майдони ичида Кагава бўш турганлигини кўрган Гиггз тўпни Кагава томон узатди. Кагава ҳам бундан унумли фойдалана олди - 1:1. Шундан сўнг "Манчестер Юнайтед" футболчилари ўйин темпини тушириб юборишди.

Натижада "Cезаро Осака" клуби аъзоси Минамино ажойиб тарзда "Манчестер Юнайтед" дарвозасига тўпни жойлади 2:1. Шундан сўнг ҳар иккала жамоа таркибида бир қанча футболчилар алмаштирилди. "Манчестер Юнайтед"да бу ўзгаришлар самарасини берди. Захирадан 56-дақиқада Кагава ўрнига майдонга тушган Заҳа 90 дақиқага келиб "Манчестер Юнайтед"ни мағлубиятдан асраб қолди - 2:2.

“Cерезо Осака” - “Манчестер Юнайтед” 2:2
Голлар: Сугимото 34, Минамино 63 - Кагава 54, Заҳа 90.
"Манчестер Юнайтед": Линдегаард, Рафаэл (Фабио 79), Смоллинг, Фердинанд, Бюттнер (Эвра 79), Гиггз (Клеверли 79), Жонс (Андерсон 45), Кагава (Заҳа 56), Уэлбек, ван Перси (Янузах 69), Янг (Лингард 79).
Амалга оширилмаган пенальти: Кагава 52.

Назорат учрашуви. “Cерезо Осака” - “Манчестер Юнайтед” 2:2