Қизиқарли ва ҳужумларга бой тарзда ўтган баҳсда Миржалол Қосимов бошчилигидаги “қалдирғочлар” рақибларини 3:1 ҳисобида мағлубиятга учратишди.

Учрашувнинг 6-дақиқасида Достонбек Ҳамдамов пенальтидан ҳисобни очган бўлса, 29-дақиқада Қодирқулов-Тошматов комбинациясини Муроджон гол билан якунлаб, ҳисобни 2:0га оширди. Иккинчи бўлим ўрталарида Шохруҳ Гадоев чамаси 24 метрлар узоқликдан “Шаржа” дарвозасини аниқ нишонга олди – 3:0. 84-дақиқада амирликлар пенальти тепиш ҳуқуқини қўлга киритишди. 11 метрлик нуқтадан Юсуф Саид ҳисобни қисқартирувчи голга муаллифлик қилди.

Шу тариқа, “Бунёдкор” БАА йиғини доирасидаги учинчи учрашувида ғалаба қозонди.

Эслатиб ўтамиз, Миржалол Қосимов бошчилигидаги “қалдирғочлар” бунгача Хитойнинг икки клуби – “Чуньцин Лифан” (0:0) ва “Шаньдун Лунэн” (4:0) жамоалари билан куч синашиб, бир дуранг ва бир ғалаба қайд этишди.

Назорат учрашуви
Шаржа. "Ҳолид бин Муҳаммад" стадиони
“ШАРЖА” – “БУНЁДКОР” 1:3 (0:2)
Голлар: Достонбек Хамдамов 6 пенальти (0:1), Муроджон Тошматов 29 (0:2), Шохруҳ Гадоев 76 (0:3), Юсуф Саид 84 пенальти (1:3)
“Шаржа”: Одил Ал-Хусайни, Ҳассан Солиҳ, Лулиньо, Омар Жума, Абдуллоҳ Ғаним, Отабек Шукуров, Веллитон, Муҳаммад Жабир, Сухаил Ал-Мансури, Ҳамад Иброҳим, Эйса Аҳмад
Захирадан майдонга тушганлар: Абдуллоҳ Юсуф, Ҳолид Ал-Ризо, Юсуф Билол, Мажид сурур, Саид Юсуф, Аҳмад Ал-Ризо, Али Ал-Занхани, Муҳаммад Иброҳим, Муҳаммад Саиф, Иброҳим Жамал
“Бунёдкор”: Суҳробжон Султонов, Анвар Ғофуров, Рустамжон Ашурматов, Акрамжон Комилов, Дилшод Аҳмадалиев, Жовлон Иброҳимов, Миржамол Қосимов, Муроджон Тошматов, Санжар Қодирқулов, Достонбек Ҳамдамов, Шаҳзодбек Нурматов
Захирадан майдонга тушганлар: Муроджон Зуҳуров, Исломжон Қобилов, Сардор Собирхўжаев, Давронбек Умиров, Филип Раевац, Расул Юлдошев, Артём Габелок, Миржаҳон Мираҳмадов, Абдулла Абдуллаев, Мирғиёс Сулаймонов, Хуршид Ғиёсов, Шохруҳ Гадоев

Назорат учрашуви: “Шаржа” – “Бунёдкор” 1:3