Ўйиндан олдин ушбу тўқнашув ҳақидаги маълумотларни тақдим этамиз.

Ўзаро ўйинлар
Ушбу жамоалар Ўзбекистон чемпионатларида шу кунга қадар 28 бора тўқнаш келишган. “Нефтчи” 19 та ўйинда ғолиб бўлган, 3 марта дуранг қайд этилган. “Қўқон-1912” бу рақибни олти марта мағлуб этган. Тўплар нисбати “Нефтчи” томонида – 69:36. Ўзаро ўйинларда “Нефтчи” 60 очкога эга бўлган бўлса, “Қўқон-1912” 21 очкони қўлга киритган.

"Нефтчи" мезбон бўлган сўнгги бешта учрашув:
29.11.2018 Нефтчи - Қўқон 1912 - 0:2
17.08.2018 Нефтчи - Қўқон 1912 - 1:0
31.03.2017 Нефтчи - Қўқон 1912 - 1:2
10.06.2016 Нефтчи - Қўқон 1912 - 2:1
30.10.2015 Нефтчи - Қўқон 1912 - 0:1

Янги футболчилар
Иккала жамоа ҳам қишки трансфер ойнаси вақтида бир қатор янги ижрочиларни ўз сафларига қўшиб олишди.

"Нефтчи": Ҳусниддин Ғофуров, Марко Сарич, Лутфулла Тўраев, Мирзоҳид Ғофуров, Муҳсин Убайдуллаев, Суннатилла Абдуллажонов, Даниэль Стойкович, Дониёр Валиев, Раҳмонжон Рўзиев, Сирожиддин Қўзиев, Шаҳзод Убайдуллаев, Аброрбек Исмоилов, Дониёр Нарзуллаев.
"Қўқон-1912": Билолхон Тошмирзаев, Нодир Ашурматов, Дилшод Раҳматуллаев, Жамшид Ҳасанов, Санъат Шихов, Қувондиқ Рўзиев, Шаҳзодбек Нурматов, Диёр Жалолиддинов, Расул Абдураҳмонов, Жамшид Саидваққосов, Азиз Эркинов, Мурод Комилов, Жамшид Бекдурдиев, Абдулла Юнусов.

Стадион
Учрашув Фарғонадаги стадион таъмирланаётгани боис Яйпандаги "Ўзбекистон" стадионида бўлиб ўтади. Яқиндаги айнан шу стадионда Ўзбекистон Суперкубоги учун ўйин бўлиб ўтган эди. Баҳс соат 18:30да бошланади.

Ҳакамлар
Ўйинни Аҳрол Рисқуллаев бошчилигидаги ҳакамлар бригадаси бошқариб боради. Ўтган мавсум ушбу ҳакам "Қўқон-1912" иштирокидаги битта ўйинда ишлаган. Ўша баҳсда қўқонликлар ўз майдонида "Навбаҳор"га мағлуб бўлишган. Рисқуллаев 2021 йилда "Нефтчи" иштирокидаги ўйинда бош ҳакам бўлмаган.

Coca-Cola Суперлига. 1-тур
"Нефтчи" – "Қўқон-1912"
2 март 2022 йил. Яйпан. "Ўзбекистон" стадиони. 18:30
Ҳакамлар: Аҳрол Рисқуллаев, Санжар Шоюсупов, Александр Сидоров, Лочинбек Долимов
Назоратчи: Темур Абдуллаев
VAR ҳаками: Ильгиз Танташев
VAR ассистент: Максим Нехочин
Комиссар: Шерзод Ражабов.

"Водий дербиси". "Нефтчи"нинг илк рақиби уни Про лигага кузатган жамоа

"Нефтчи" vs "Қўқон-1912". Устунлик қайси жамоа томонида?