Ушбу учрашув Фарғона вилоятининг яна бир жамоаси “Ёзёвон-Лочинлари”га қарши ўтказилди. Беллашувда Вадим Абрамов жамоаси 4:2 ҳисобида зафар қучди.

Айтиш керакки, голларга бой ўйин гарчи ўртоқлик мақомига эга бўлсада, учрашувни кузатиш учун кўплаб мухлислар стадионга ташриф буюришди. Умуман олганда, “Норин” билан бўлиб ўтган охирги ўйинга нисбатан томошабинлар сони кўпроқ бўлди.

Ўйин ғоят қизиқарли курашларга бой ўтди. Вадим Карленович ўз анънасига содиқ қолган ҳолда икки хил таркибни бир бўлимдан майдонга туширди. Учрашув тезкор голлар билан бошланди. Дастлаб Мўйдин Мамазулумов ҳисобни очган бўлса, кўп ўтмай Бахтиёр Ёқубов ҳисобни яна биттага оширди. Учинчи тўп худди “Норин” билан учрашувда бўлгани сингари автогол сифатида киритилди.

Иккинчи бўлимда меҳмонлар кетма-кет жавоб голларини киритишди. Умуман олганда, тайм безагига айланган голлар ўйинни янада кульминацион нуқтасига айланди. Ёзёвонликлар иккинчи бўлимда гол киритиш учун кўплаб қулай имкониятларга эга бўлишди ва уларнинг иккитасини самарали якунлашди. 3:2

Ўтказиб юборилган тўплар ва ўйин суратидан қониқмаган “Нефтчи” катта куч билан ҳужумга ўтди. Марказда ҳаракатланган Жавоҳир Расулов, Музаффар Музаффаров, Карен Абрамов ҳамда Аброр Исмоиловлар ўзларинг фаолликлари билан баҳс тизгини ўз қўлларига олишди. Қанотлардан Темур Ҳакимов ҳамда Абдураҳмон Абдулҳақовлар ҳам хавфли рейдларга амалга оширишди. Шунингдек тандем сифатида ҳаракатланган ҳужумчилар Алишер Шоғуломов ва Отабек Ҳайдаров жуфтлиги ҳам шу куни кўп имкониятларга эга бўлган бўлсада, бу сафар гол уриш уларга насиб қилмади. Ҳисоб 3:2 кўринишида давом этаётган бир паллада иккинчи бўлимда захирадан майдонга тушган Темур Ҳакимов “Нефтчи”нинг тўртинчи голини киритди ва масалага мантиқий нуқта қўйди. Якуний ҳисоб 4:2, “Нефтчи” назорат баҳсида ғалабага эришди.

“Нефтчи” матбуот хизмати

“Нефтчи” “Ёзёвон-Лочинлари”ни мағлуб этди