Улуғбек Мирзаев раҳбарлик курсисига ўтирганидан кейин ҳам интервьюлар беришда давом этмоқда. У киши ҳатто ўйиндан кейинги микст-зонада ҳам интервью бераверади. Нима учун бошқа клублар раҳбарларида бундай ҳолат кузатилмайди?

"Энди бу ҳамманинг ўз табиатига боғлиқ. Балки матбуот хизматида ҳам меҳнат қилганимиздандир. Барибир футбол соҳасида ҳам очиқлик бўлиши керак. Мухлислар футболимизда нималар бўлаётганини билиши лозим. Бу салбийми ёки ижобийми, хабардор бўлишлари даркор. Яна бир жиҳат борки, кўп раҳбарларда нутқ маданияти йўқ. Бирор нарсани гапириб беришда қийналишади. Ҳар бир раҳбар қоғоздаги таҳлилини нутқда ҳам етказиб беришни билиши керак, деб ўйлайман. Ўзимизга келсак, ҳеч нарсани беркитишга ҳаракат қилмаймиз. Боиси бошқа жамоаларга маълумот тариқасида фойда тегиши мумкин. Қизғанмаймиз. Матбуотга доим очиқман", – деди "Андижон" клуби бош директори.

Нега бошқа клуб раҳбарлари Улуғбек Мирзаевдек кўп интервью бермайди?