Тажрибали собиқ ҳужумчи Неъматулла Қутибоевнинг ўз вақтида қандай футболчи бўлганлигини кўпчилик яхши билса керак.

Фаолияти давомида МТЖда ҳам ўйнашга муваффақ бўлган қорақалпоқ ўғлони бугунги ўйин олдидан фикрларини билдириб ўтди.

- Аввало футболчиларимизнинг КХДРга қарши кўрсатган ўйинини алоҳида эътироф этган бўлардим. Шу куни барча йигитлар астойдил харакат қилди. Тўғриси, якдил бир жамоа шаклланганиб бораётганига гувоҳ бўлмоқдамиз. Олдин кўпинча ўйин бу даражада қовушмасди. Бугунги кунга келиб футболчиларда ўз кучига бўлган ишонч ортгани кўриниб турибди дея гап бошлади Қутибоев.

- Бугунги учрашувда гарчи Яманни кўпчилик аутсайдер сифатида кўрсатаётган бўлсада, ҳаммасини ўйинда билинади. Олдиндин бир нима дейиш қийин. Лекин шунга қарамай шахсан ўзим бугун ватанимиз бош жамоасидан ғалаба кутяпман ва ишонманки йигитлар ёруғ юз билан қайтади.

- Ҳужумчилар ҳақида нима дейиш мумкин? Тажрибали Александр Гейнрих ҳақида ортиқча эътироф шарт эмас менимча. Уни барча билади қандай савиядаги футболчи эканлигини. Захирадан тушиб бўлсада, энг муҳими фойда келтираётгани таҳсинга лойиқ. Аслида ҳам ҳужумчини асосан унинг урган голлари танитади. Яна бир иқтидорли ҳужумчи Игорь Сергеев ҳақида ҳам ижобий фикрларни билдириш мумкин. Жуда ҳавфли футболчи. Рақиб жарима майдони ичида жой танлашни қойиллатмоқда. Бу билан у ҳимоячиларга жиддий ташвиш туғдираётганини айтиш даркор. Менимча бугунги учрашувда ҳам мураббийлар Сергеевни бошланғич таркибда майдонга туширса керак.

Исломбек Рустамбеков суҳбатлашди

Неъматулла Қутибоев Ўзбекистон МТЖнинг ғалабасига ишонмоқда