Бир неча кун аввал Ўзбекистон терма жамоасининг Уругвайга қарши ўртоқлик ўйинига жалб этилган футболчилар рўйхати эълон қилинганди. Унга кўра, Темур Кападзе терма жамоага уч нафар дарвозабонлар: Игнатий Нестеров, Элдорбек Суюнов ва Ботирали Эргашевни таркибга киритганди.

Ўзбекистон МТЖнинг Уругвайга борадиган таркиби

Бизга маълум бўлишича, Игнатий Нестеров терма жамоанинг Уругвайга борадиган рўйхатидан тушиб қолган. Бунга сабаб, дарвозабон "Металлург"га қарши баҳсда кичик жароҳат олгани айтилмоқда. Унинг ўрнига эса "Насаф"нинг ёш дарвозабони Умид Эргашев жалб этилган.

Эслатиб ўтамиз, Игнатий Нестеров жорий мавсумда "Локомотив" сафида Суперлигада 12 учрашувда майдонга тушиб, ўз дарвозасидан 13та гол қўйиб юборган. ОЧЛда эса Нестеров 6 учрашувда 9 бор гол ўтказиб юборди. "Локомотив" посбони жорий мавсумда жами 18 учрашувда иштирок этди ва 22та гол қўйворди. Нестеров бу йили жами 18 ўйинда ўз дарвозасини 4 марта "қуруқ" сақлади.

Нестеров Ўзбекистон терма жамоаси рўйхатидан тушди