Жамоалар АПЛнинг 8-тури доирасида 8 октябрь куни майдонга тушишади. "Манчестер Сити" ярим ҳимоячиси Родри "Ноттингем Форест"га қарши баҳсда қизил карточка олгани учун баҳсни ўтказиб юборади.

"Родри сўнгги икки йилда "Сити"да яхши ўйин намойиш этди. У жиддий ўсишга эришди, ўз позициясида қолганлардан анча яхши футболчи. Икки ҳафтадан кейин бўладиган баҳсда Деклан Райс "Арсенал"га ёрдам бера олармикан ёки йўқ?

"Арсенал"нинг айни дамдаги энг катта муаммоси улар икки очко йўқотгани эмас, Сака ва Райс бир неча ҳафтага сафдан чиққани, чунки улар жуда муҳим футболчилар. Райс - ҳақиқий маҳлуқ ва агар улар 90 дақиқа майдонда бўлишганида, ғалабани илиб кетишарди.

Родри - ажойиб футболчи, "Сити" етакчиси ва шанба куни уни қилган ишидан нега Пеп ғазабда эканлигини яхши тушунаман. Родри "Арсенал"га қарши ўйнамаслиги имкониятларни тенглаштиради, чуник "Сити"да унинг ўрнини эгаллай оладиган ҳеч ким йўқ. Бироқ бу баҳона бўла олмайи, жамоада иқтидорлар етарлича.

Агар Холандни ҳисобга олмасак, чунки унинг ўрнини тўлдиришнинг иложи йўқ, ушбу баҳснинг икки энг муҳим футболчиси Родри ва Деклан Райс бўлади. Шу сабабли Родрининг йўқлиги катта аҳамият касб этади, "Арсенал" эса икки ҳафта ичида Райсни сафга қайтариши керак" - дейди "Манчестер Юнайтед" собиқ футболчиси.

Невилл "Арсенал" - "Сити" ўйини ҳақида: "Родри йўқлиги имкониятларни тенглаштиради"