"Англия Кубоги финалидан кейин мухлислар тен Хагнинг қолишини исташди ва қўллаб-қувватлашди. Улар сўнгги йилларда мураббийларнинг истеъфосини кўп кўришди. Ўша вақтларда Грэм Поттер, Гарет Саутгейт, Томас Тухель номзодлари кўриб чиқилаётгани борасидаги хабарлар эсимда. Мухлислар томонидан бу катта танқид остига олинганди.
Албатта, раҳбарият бозорга қарагани ва имконият излагани аниқ. Улар тен Хаг жамоасини 100 фоизга яхшилайдиган ажойиб мураббий топишганида, олиб келган бўлишарди. "Ливерпуль"да Клоппнинг ўрнини тўлдириш учун 6 ой вақт бор эди ва номзодлар орасидаги топ-номзодни танлай олишди.
Менимча, клубдагилар ўзларига қараб: "Биз икки йилда яхшироқ тизимга туша олмай туриб, иккита соврин ютган мураббийни кетказиб юбориб, бошқа мураббийни олиб келишимиз яхши ишми?" дейишган бўлишса керак", - деди Невилл.

Невилл нима сабабдан тен Хаг кетмаётганини айтди