Неймар жаҳон чемпионатига бир неча ой қолганда "Барселона" билан шартномаси бўйича коррупцияда айбланган ҳолда судланади.

Бразилия суперюлдузи тўққиз йил олдин "Сантос"дан 71,5 миллион фунт стерлинг эвазига Каталония клубига кўчиб ўтди ва бу футболдаги энг катта трансферлардан бири бўлди. Ушбу трансфер амалга ошишида ўша пайтдаги клуб президенти Сандро Россел, шунингдек, футболчининг отаси ва "Сантос"нинг собиқ директори иштирок этган.

Неймарга нисбатан 40 фоизга яқин ҳуқуқларга эга бўлган DIS футбол маркетинги компанияси томонидан етти йил аввал шикоят билдирилганди. Улар футболчи, унинг вакиллари ва оиласи томонидан алданганини даъво қилишган. DIS компанияси 2016 йил "Барселона" ва Неймар ФИФА қоидаларини бузди ва трансфер бозоридаги эркин рақобатни ўзгартирди", дея таъкидлаганди. Айбловга кўра, 2013 йилги трансфер пайтида 7 млн фунт-стерлинг солиқ тўлашдан бўйин товланган.

Суд жараёни октябрь ойида бўлиб ўтади, Неймарга икки йиллик қамоқ ва 8.4 млн фунт жарима жазоси қўлланилиши мумкин.

Неймар коррупцияда айблангани учун судланади