Биз Вьетнам терма жамоаси сардори Нгуен Бао Куан билан ушбу ўйиндан олдиш суҳбатлашдик.

- Эрон терма жамоасига қарши бугунги ўйин ҳақида қандай фикр билдирасиз?
- Бугун биз жуда кучли рақибга қарши майдонда ҳаракат қиламиз. Аввалги мусобақаларда улар билан тўқнаш келганмиз афсуски ўша ўйинда мағлуб бўлганмиз. Бугун улар устидан ғалаба қозонишга ҳаракат қиламиз.

- Эрон терма жамоаси билан тўқнаш келгансизлар. Уларнинг ўйин услуби ҳақида қандай фикр билдирасиз?
- Бошқа жамоаларга солиштирганда Эрон хар тарафлама юқори даражада туради. Биз улар билан Бразилияда кўришганмиз. Ўша ерда халқаро ўртоқлик учрашувида уларга қарши майдонга чиққанмиз. Олдинги ҳолатига қараганда ҳозирги Эрон терма жамоаси жуда кучли ҳисобланади.

- Бугунги ўйинга рухан тайёрмисизлар?
- Хар томонлама тайёрмиз. Аммо битта иккита футзалчиларимиз жароҳат олишган. Лекин бу бизга ғалаба қозонишимизга ҳалақит бермайди.

- Дарвозабонингиз кичик жароҳат олганди. Унинг ҳолати қай даражада?
- Ҳа албатта, дарвозабонимиз кичик жароҳат олганди лекин у бугунги ўйинга 100 фоиз тайёр.

Жаҳонгир Сотволдиев суҳбатлашди.

Нгуен Бао Куан: “Эрон билан ўйинга 100 фоиз тайёрмиз”