2014/15 йиллар давомида келишилган ўйинлар сифатида шубҳага борган учрашувларимиздан футболчиларни рамзий терма жамоага киритмадик. Баъзан икки ва учтадан тўп урган футболчисини рамзий терма жамоада кўрмаган мухлислар арз ҳам қилдилар.

Ҳатто шундай воқеа бўлдики, одатда рамзий терма жамоадан сўнг бир футболчи қўнғироқ қилиб, ўз исмини ошкор қилмаган ҳолда унинг жамоадошидан футболчилар шубҳа қилаётганликлари, биз эса уни рамзий терма жамоага қўйганимизни айтган эди.

Рамзий терма жамоани тузиш орқали келишилган ўйинларни ташкил этаётган аксар мураббий ва унда иштирок этиб, "қаҳрамон" бўлаётган футболчиларни қўллаб - қувватлаб қўяётгандек ҳис эта бошладик. Рамзий терма жамоани эса бир турда иккита ёки учта ўйин билан тузиш мантиққа тўғри келмайди.

Айнан мана шундай сабабларга кўра сўнгги етти турни рамзий терма жамоасиз ўтказишга қарор қилдик. Агар келаси мавсумда барчаси "тоза" бўлса, яна лойиҳамизни йўлга қўямиз.

Нима учун рамзий терма жамоа чиқмаяпти?