Бош соврин учун БМБ ҳамда "Оил Стар" жамоалари кураш олиб боради.

Мазкур баҳс олдидан БМБ жамоаси устози Нодир Элибоев фикрларини билдириб ўтди.

"Тайёргарлик жараёни яхши кетмоқда. Ҳал қилувчи баҳсга астойдил тайёрланяпмиз. Жароҳатланганлар бор, лекин бошқа ўйинчиларимиз уларнинг йўқлигини билдирмасликка ҳаракат қилади. Барча финални интиқлик билан кутмоқда. Жамоадагиларнинг кайфияти аъло, ажойиб ички муҳит ҳукмронлик қилмоқда. Насиб қилса, ғалаба биз томонда бўлади.
Финал учрашувидан энг аввало мухлислар аншлагини кутяпман. Ишқибозлар билан тўла аренада ўйнаш, спортчиларга ўзгача иштиёқ бағишлайди. Рақибни ҳурмат қиламиз, "Оил Стар" юртимизнинг кучли жамоаларидан бири. Бироқ биз улардан қўрқмаймиз ва фақат ғалаба учун майдонга тушамиз", – деди Элибоев.

Нодир Элибоев: "Барча финални интиқлик билан кутмоқда"