- Чиройли футбол бўлди, деб ўйлайман. Ҳар иккала жамоа очиқ ўйин кўрсатишди. "Локо" жамоаси юлдуз футболчилардан ташкил топган. "Қўқон-1912"га эса тажриба камлиги панд бермоқда. "Локомотив" жамоаси футболчилари ёнғин ва сувни кўрган ўйинчилар ҳисобланишади. "Локо"нинг бугунги захира ўриндиғидаги футболчиларини кўриб ҳам қўрқиб кетдим очиғи.

Яхши жамоани бир йилда тузиб бўлмайди. Албатта вақт керак.

Ҳакамлар? Уларга эътироз йўқ. Ўйинни яхши бошқаришди.

Биринчи даврани зўр ўтказгандик. Иккинчи даврада эса пасайиш бўлди. Бу бўлиши керак эди. Чунки ўзим ҳам футбол ўйнаганман. Бир таркиб билан бутун мавсумни бир текисда ўтказиш имконсиз. Захирамиз торлиги сабабли иккинчи даврада мувозанатни сақлаб қола олмадик. Келаси мавсумда таркибни кучайтирамиз.

"Локомотив"га қарши ҳимоявий ўйин кўрсатишнинг фойдаси йўқ. Чунки ушбу мавсумда бир қатор жамоалар бу ерга келиб ҳимояга ётиб олишганини ҳам кўрдим, аммо якунда барибир ютқазишди. Шу боисдан бугун бошқача тактика танлагандим. Балки адашгандирман, аммо ҳимоявий ўйин кўрсатишни истамадим. "Локомотив" билан ҳам очиқ футбол ўйнаса бўлади.

Филипп Раевацнинг жароҳати бор. У бугун укол ёрдамида мажбуран ўйнади.

Нўъмон Ҳасанов нимадан қўрқиб кетди?