Гарчи мезбонлар ўйин сўнггига қадар 9 киши бўлиб қолса-да, жамоа иродали ғалаба қозонди (2:1). Ўйиндан сўнг меҳмонлар бош мураббийи Нўъмон Ҳасанов матбуот анжуманида қатнашди ва журналистларнинг саволларига жавоб қайтарди.

- Ўйин қийини бўлди. Ҳар иккала жамоа ўз жонларини бериб ўйин кўрсатди. “Сўғдиёна”ни табриклайман. 9 киши бўлиб бугун жасорат кўрсатди. Ўз жамоам ҳақида гапирсам, жуда кўплаб вазиятлардан фойдалана олмадик. Жиззах жамоасининг кейинги ўйинларига омад тилайман. Жамоамиз ўз олдига қўйган мақсадига эриша олдими? Биз 5 ёки 6 ўринни олишимиз учун бугунги ўйинда ғалаба қозонишимиз керак эди. Мавсум бошида жамоа раҳбарияти бизга турнир жадвалининг юқори ўринларидан бирини эгаллашимизни айтишган эди ва биз бунга ҳаракат қилдик. Олдинда “Олмалиқ”қа қарши баҳс кутмоқда ва биз бу учрашувга тайёргарликни давом эттирамиз

- дейди “Қўқон-1912” бош мураббийи.

“Сўғдиёна” матбуот хизмати

Нўъмон Ҳасанов: "Сўғдиёна" бугун 9 киши бўлиб жасорат кўрсатди"