Ҳаққулоодликлар кунига икки маҳалдан машғулот олиб боряпти. Эрталаб жисмоний тайёргарлик бўйича, тушликдан сўнг тўп билан, техник-тактик борасида машғулот ўтказилмоқда. Бош мураббий Вали Келдиев яқинда «Сурхон»га қайтишга қарор қилганди. Аммо у ерда мураббий бу сафар ҳам узоқ вақт ишламади. Натижада ҳаққулободликлар ҳам бошқарув постига бошқа номзодларни кўриб чиқишни лозим топган кўринади.

Клуб менежери Файзулло Аҳмедовнинг айтишича, ҳозирда бир нечта мураббийлар билан музокара кетмоқда. Шундай экан «Норин»нинг янги бош мураббийи яқин орада маълум қилинади. Ҳозирча машғулотларга Файзулло Аҳмедовнинг ўзи бошчилик қилмоқда. Ўтган йили жамоа шарафини ҳимоя қилган асосий таркиб футболчилари сақлаб қолинган. Шунингдек андижонлик иқтидорли дарвозабон Баракатилло Исроилов ҳимоячилар Аҳрор Ўктамов ва Абдурасул Комилов ҳам «Норин»нинг ўқув-йиғин машғулотларида иштирок этмоқда.

11 февраль куни ҳаққулободликлар Қирғизистонга сафар уюштириб, Ўшнинг «Олой» жамоаси билан назорат учрашувини ўтказишни режалаштирган.

«Норин» яқин орада янги бош мураббийини маълум қилади