Лекин факт фактлигича қолади. 2008 йилнинг кузида машҳур Ривалдо Тошкентга ташриф буюриб, "Бунёдкор" билан шартнома имзолаганди. Унинг келиши нафақат Ўзбекистон, балки қўшни ва Европа давлатларида ҳам катта шов-шувга сабаб бўлганди. Ривалдо "Бунёдкор"да ўйнайди деган хабар айниқса, Россияда шов-шув кўтаргани ҳамон ёдимизда.

Айтиш мумкинки, Ривалдо Ўзбекистонга келиб ўйнаган легионерлар орасида энг машҳури. 2008 йил у Тошкентга келганида собиқ МҲСК стадиони (ҳозирги "Бунёдкор")да унинг таништирув маросими ўтказилган, Ривалдо мухлислар қаршисида майдонга чиқиб, ўз маҳоратини намойиш этганди. Ривалдо "Бунёдкор" сафидаги дебютини 2008 йилнинг сентябрь ойида нишонлаган ва сафарда "Машъал" билан кечган баҳсда 2та гол урган.

Қуйида ўша даврларни яхши хаёллар билан қўмсаш мақсадида Ривалдонинг Тошкентдаги илк кунидан фотосуратларни тақдим этамиз.

Ностальгия. Ривалдо Тошкентга келгани ёдингиздами?