“Обод” жамоаси 9 апрель куни жорий мавсумни кўтаринки руҳда ўтказаётган Навоийнинг “Қизилқум” клубини қабул қилади. Мазкур учрашув соат 16:00да пойтахтимиздаги “ЖАР” стадионида бошланади.

Ўзбекистон профессионал футбол лигаси бугун 4-тур ўйинларига тайинланган ҳакамлар рўйхатини эълон қилди. Унга кўра “Обод” – “Қизилқум” учрашувини миллатимиз фахри, ФИФА рефериси, “Буюк хизматлари учун” ордени соҳиби Равшан Эрматов бошқаради. Унга қанотларда доимий шериклари Абдуҳамидулло Расулов ҳамда Жаҳонгир Саидовлар ёрдам беришади. Заҳира ҳаками сифатида Р.Лутфулин қайд этилган. Назоратчи ҳакам – Радик Серазетдинов.

“Обод” – “Қизилқум” жамоаларининг ўринбосарлари ўртасидаги ёшлар лигаси ўйинига 8 апрель куни “Обод” стадионида соат 16:00да старт берилади.

Эслатма: “Обод” – “Қизилқум” жамоалари учрашувига кириш бепул.

4-тур. 9 апрель
«Обод» (Тошкент) – «Қизилқум» (Навоий)
Ҳакамлар: Р.Эрматов, А.Расулов, Ж.Саидов, Р.Лутфулин (барчаси Тошкент шаҳридан)
Назоратчи ҳакам: Р.Серазетдинов (Тошкент)

«Обод» ўз мухлисларини «Қизилқум» билан ўйинга чорлайди