Биров аввал риёдликларнинг яна 3 нафар ўйинчисида Covid-19га топширган тест натижалари ижобий чиққани ҳақида хабар берган эдик.

Расман: "Ал Ҳилол"нинг яна 3 ўйинчисида коронавирус аниқланди, жамоада фақат битта дарвозабон қолди

Хўш, жами 10 нафар футболчиси коронавирусга чалинган саудияликларнинг бугунги ўйинга таркиби қандай бўлиши мумкин? "Championat.asia" сайти "Ал Ҳилол"нинг таркибини тахмин қилиб кўрди.

Жамоада икки қанот ҳимоячилари Ал Шаҳрони ва Ал Бурайк карантинда, шунингдек Мадаллаҳ Али Ололаян кечагина жароҳатдан кейин машғулотларга қайтди. Ўнг қанот ҳимояда ўтган сафаргидек Амир курди тушса, чапда чап оёқда ҳаракат қиладиган марказий ҳимоячи Али Ал Булайҳи тушса керак. Чунки, Ололаян кечагина машғулотларга қайтди ва бугуннинг ўзида асосий таркибда тушиши қийн бўлса керак. Марказий ҳимояда Жан Хюн Суга Муҳаммад Жаҳфали шерик бўлади. Чунки, Ал Фариз карантинда, Ал Булайҳи чапда тушиши мумкин. Ўз-ўзидан Жаҳфали варианти қолмоқда. Қолган ўйинчилар 3 кун олдингидан ўзгармаса керак. Фақат марказий ярим ҳимояда битта ўзгариш бўлиши мумкин. Канно ва Носир Ал Давсаридан бири ўйинни захирада бошлаши мумкин.

"Ал Ҳилол"нинг "Пахтакор" билан ўйинга тахминий такриби:

4-2-3-1

Дарвозабон: 1.Абдуллоҳ Ал Муайуф.

Ҳимоячилар: 22.Амир Курди, 20.Жан Хюн Су, 70.Муҳаммад Жаҳфали, 5.Али Ал Булайҳи.

Ярим ҳимоячилар: 28.Муҳаммад Канно, 16.Носсир Ал Давсари, 19.Андре Каррильо, 29.Салим Ал Давсари, 9.Себастьян Жовинко.

Ҳужумчи: 18.Бафетимби Гомис.

4-турдан ўрин олган "Пахтакор" - "Ал Ҳилол" учрашуви маҳаллий вақт билан 21:00 (Тошкент вақти билан 23:00)да старт олади. Баҳс "Ал Жануб" стадионида бўлиб ўтади.

ОЧЛ. 10 футболчисида коронавирус аниқланган "Ал Ҳилол"нинг бугунги ўйинга тахминий таркиби