Ўшанда барча бир фикрга келгандек эди, аммо ҳозирга қадар ҳеч қандай расмий хабар чиқмади.

Бу орада янги тахмин пайдо бўлди. Унга кўра 16 та клуб битта мамлакатда йиғилади ва 4та стадионда гуруҳ босқичи ва 1/8 финал, чорак ва ярим финал ўйинларини ўтказишади.

Шу тариқа тўртта босқич ўйинлари уч ҳафта ичида бўлиб ўтади - 14 сентябрдан 3 октябргача. Ҳар бир клуб ўзининг илк ўйинидан 4 кун аввал ўша мамлакатга етиб бориши керак, шунда делегация аъзолари коронавирус учун тест топширишга улгуришади. Яъни масалан, "Пахтакор" 10 сентябрь куни мамлакатга етиб борса, тест топширса ва "Ал-Ҳилол" билан ўйинга тайёргарликни олиб борса ва 14 сентябрь куни ўйин ўтказади. Ўша куни А гуруҳидаги ўйинлар ҳам бўлиб ўтади. "С" ва "D" гуруҳи ўйинлари бир кундан кейин ўтказилади.

Кейинчалик клублар ҳар уч кунда ўйин ўтказади:

"А" ва "В" гуруҳи - 17 сентябрь, 20 сентябрь, 23 сентябрь,

"C" ва "D" гуруҳи - 18 сентябрь, 21 сентябрь, 24 сентябрь.

1/8 финал ўйинлари 26 сентябрь ("А" ва "В" гуруҳи) ва 27 сентябрь ("С" ва "D" гуруҳи) кунлари бўлади. Чорак финаллар - 30 сентябрь. Ярим финал - 3 октябрь.

Бу тақвим ҳозирча расман тасдиқланмаган.

ОЧЛ-2020. "Пахтакор" 20 кун ичида 7та ўйин ўтказиши мумкин