ОЧЛ-2020
6-тур, "B" гуруҳи
"Шаҳр Ходро" - "Пахтакор" 0:1
Гол: Машарипов (65')
Ҳакамлар: Ҳанна Ҳаттаб (Сурия), Али Аҳмад (Сурия), Ронни Коҳ Мин (Сингапур), Масуд Туфайели (Сурия).
Назоратчи: Исмоил Аднан (Иордания).

"Шаҳр Ходро": 33. Матин Сафаиан, 3.Али Неъмати, 5. Фаршад Фаражи, 7. Муҳаммад Қози Нажафабади, 8. Акбар Содиғи, 14. Омид Мансури, 17.Ҳассан Жафари, 18. Али Таҳеран, 20. Муҳаммадризо Халатбари (11. Ҳуссайн Меҳрибон, 69), 27.Муҳаммад Фарамарзи ( 16. Алиризо Асадабади, 78), 80. Руҳоллоҳ Сайфуоллоҳ (78. Амирҳассан Жаъфари, 78).
Захира: 1. Маҳди Раҳмати, 22. Муҳаммаджавод Киа, 9.Амин Қосиминажод, 21. Саид Содиғи, 76. Муртазо Хуросони, 88. Али Набизода.

"Пахтакор": 25.Элдорбек Суюнов, 3.Ҳожиакбар Алижонов, 5.Анзур Исмоилов, 9.Жалолиддин Машарипов, 10.Драган Черан (8.Асадбек Собиржонов, 77), 11.Игорь Сергеев, 15.Егор Кримец (7.Садриддин Абдуллаев, 67), 17.Достонбек Ҳамдамов (99.Жавоҳир Сидиқов, 46), 20.Одилжон Ҳамробеков ( 29.Владимир Козак, 46), 21.Аброр Исмоилов, 34.Фарруҳ Сайфиев ( 4.Акром Комилов, 46).
Захира: 35.Санжар Қувватов, 6.Алишер Салимов, 18.Хожимат Эркинов, 23.Шерзод Аъзамов, 77.Эрен Дердийок.

Огоҳлантиришлар: Али Таҳеран (30), Халатбари (45), Неъмати (45), Комилов (73), Жаъфари (76).

Баҳс ўз ниҳоясига етди. "Пахтакор" минимал ҳисобда ғалабага эришиб, гуруҳ босқичини муваффақиятли тугатди. Ғалаба муборак, қадрли юртдошлар! Энди "шерлар" нимчорак финалда Эронинг "Истиқлол" клуби биан тўқнаш келишади.

90+4. Рақиб бурчак тўпини ўйинга киритди, ҳимоячилар тўпни қайтаришди.

90+2. "Шаҳр Ходро" жарима тўпига эга бўлди ва бу муваффақиятсизлик билан якунланди.

Иккинчи бўлимга 4 дақиқа қўшиб берилди.

88. Машариповга нисбатан ўйин қоидаси бузилди.

86. Садриддин Абдуллаев рақиб футболчисини йиқитди.

84. "Пахткор" тўп назоратини ўз қўлига олди.

82. Суюнов тўпни майдон ташқарисига чиқариб юборди ва хавфнинг олди олинди.

78. "Шаҳр Ходро"да ўзгариш: Фарамарзи ўрнига Асадабади, Сайфуоллоҳ ўрнига Жаъфари тушди.

77. "Пахтакор"да алмаштириш: Черан ўрнига Собиржонов тушди.

76. Жаъфари Аброр Исмоиловга нисбатан қўполлик ишлатди, хакам ҳуштаги чалинди. Жафари огоҳлантириш олди.

73. "Шаҳр Ходро"да жарима зарбаси. Жафарини йиқитган Комилов сариқ карточка олди.

70. Зарба! Чераннинг зарбасига озгина аниқлик етишмади.

69. "Шаҳр Ходро"да ўзгариш: Халатбари ўрнига Меҳрибон тушди.

67. "Пахтакор"да ўзгариш: Кримец ўрнига Абдуллаев тушди.

65. ГОООООООООООЛ! Машарипов! 0:1! Сидиқов бурчак тўпидан тўпни ичкарига узатди, Машарипов бош билан рақиб дарвозасини ишғол этди!

63. Черан Сергеевни тўп билан таъминлади, у рақиб билан кураш олиб борди ва бурчак зарбаси ишлаб олди.

61. Майдонда тенг кураш кечмоқда.

58. Машарипов икки рақиб футболчисига қарши кураш олиб борди, якунда тўп вазиятга аралашган Комиловга тегиб, майдонни тарк этди.

57. Зарба! Аброр Исмоиловдан ажойиб узатма, аммо Чераннинг бош билан йўллаган зарбасига аниқлик етишмади.

53. Анзур Исмоиловда яна нотўғри пас, Сидиқов қулай вазиятга чиқиб кетиши мумкин эди, у олдинга интилаётганди.

52. Анзур Исмоилов қанотда турган Сидиқовни тўп билан таъминламоқчи бўлди, бироқ узатма аниқ чиқмади.

51. Козакнинг узатмасини ҳимоячилар қайтариб қолишди.

49. Зарбааа! Машариповнинг чап оёқда узаоқдан йўллаган зарбаси озгина ноаниқ кўриниш олди.

46. "Пахтакор"да бира тўла 3 та ўзгариш: Сайфиев ўрнига Комилов, Ҳамробеков ўрнига Козак, Ҳамдамов ўрнига Сидиқов туширилди

Биринчи бўлим тугади. Ҳозирча ҳисоб очилмади - 0:0. Танаффус!

45+3. Машариповнинг стандартдан йўллаган зарбаси жонли деворга тегиб, майдонни тарк этди.

45+3. Сергеевга нисбатан жуда қўпол ўйнади ва Али Неъмати сариқ карточка олди, жарима тўпи.

Биринчи бўлимга 3 дақиқа қўшилди.

45. Халатбари огоҳлантириш олди.

44. Алижоновдан яхши ўйланган узатма амалга оширилди, бироқ бироз кучлироқ.

41. Уухх! Халатбарининг зарбаси дарвоза устуни ёнгинасидан ўтиб кетди.

40. Зарба! Сайфиевнинг паси Алижоновга қадар етиб келди, аммо унинг чап оёқда йўллаган зарбасига аниқлик етишмади.

39. Ҳамдамов қанотда рақибни алдаб ўтди, аммо йиқитилди, ҳакам хуштаги чалинди.

38. Аброр Исмоилов устамонлик билан рақибдан тўпни олиб қўйди, аммо унинг жамоадошлари хатога йўл қўйишди.

36. Энди эса рақиб сардори Содиғига бевосита майдонда тиббий ёрдам кўрсатиляпти.

35. Кримец Жафарининг ҳужум қилишига тўсқинлик қилди.

34. Муҳаммад Қози Нажафабади белидан жароҳат олгани боис тиббий ёрдам кўрсатилмоқда.

31. Ууух! Бурчакдан оширилган тўпдан кейин Чераннинг бош билан йўллаган зарбаси озгина ноаниқ кетди.

30. Али Таҳеран Черанни қўполлик билан йиқитди, етмаганига кескин эътироз билдирди, ҳакам жим турмади ва сариқ карточка кўрсатди.

~~29. ГОЛ!~~ Афсуски, Ҳамдамовнинг голи ўйиндан ташқари ҳолат туфайли бекор қилинди.

27. Уух! Ҳамробековдан ажойиб узатма, Черан ичкарига интилди, рақиб посбони тўпни мавдон ташқарисига чиқариб юборди ва бу ҳолатда унинг қўли бироз лат еди.

"Пахтакор"га мураббийлик қилаётган Петр Хюистра

25. "Шахр Ҳодро" ҳужумчиси офсайдда қолди. Кримец тўпни ўйинга киритиб берди.

22. Сайфиевдан узатма, Черандан бош билан зарба! Тўп майдон ташқарисига чиқариб юборилди.

21. "Пахтакор" тўпга эгалик қилмоқда, ҳозирча кураш майдон марказида кечмоқда.

19. Breaking news: "Ал Ҳилол" ОЧЛдан четлатилди, унинг барча натижалари бекор қилинди. Шу боис "Пахтакор" ва "Шабаб Ал Аҳли" гуруҳдан чиқишди.

"Шаҳр Ходро" билан ўйин натижаси ҳеч қандай аҳамият касб этмайди.

17. "Шаҳр Ходро" жиддий босим қилмоқда, аммо "Пахтакор" секин-аста ўз ўйинини "қуриш"га интилмоқда.

15. Халатбари жарима тўпидан узатмани амалга оширди, Неъматининг зарбасини Суюнов қайтарди.

13. "Шаҳр Ходро" хатога йўл қўйди, ўз навбатида Машарипов ҳам бундан фойдалана билмади ва бош билан ноаниқ пас берди, тўп яна рақибда.

11. Машарипов Сайфиевга яхши узатма берди, лекин рақиб ҳимоячиси тўпни майдон ташқарисига чиқариб юборишга улгурди, "Пахтакор" бурчак тўпига эга бўлди.

10. Ҳожиакбар Алижонов ҳужумда рақиб ҳимоячисини йиқитди.

8. Аброр Исмоиловнинг паси ҳакамга тегиб қолди.

6. Ууух! Халатбари бирга-бир ҳолатга чиқиб борди, аммо аниқ зарба бера олмади.

6. Зарба! Ҳамробековнинг зарбаси ноаниқ.

5. "Пахтакор" ҳимоядан бошлаб ҳужум бошламоқда. Ҳамдамов ва Машарипов ҳужумда фаоллик намойиш этишмоқда.

3. Халатбарининг жаримадан йўллаган зарбаси ноаниқ кетди.

1. Ўйин бошланди!

"Пахтакор" футболчилари Шота Арвеладзени қўллаб-қувватлаган ҳолда унинг фамилияси туширилган либосни кўтардилар.

Жамоалар майдонга чиқиб келишмоқда.

ОЧЛ. "Пахтакор" гуруҳ босқичини ғалаба ва 1-ўрин билан тугатди, 1/8 финалдаги рақиб – "Истиқлол" (Эрон)