Марказлашган тарзда Саудия Арабистонида ўтказиладиган ушбу ўйинда олмалиқликларга БААнинг "Шабаб Ал Аҳли" жамоаси рақиблик қилади. Учрашув соат 23:55 да бошланади ва "UzReport" телеканали орқали жонли эфирда трансляция қилинади.

АГМК Осиё чемпионлар лигаси 4-тур доирасидаги "Шабаб Ал Аҳли"га қарши ўйинга кўтаринки руҳда тайёргарлик олиб борди.

Кеча маҳаллий вақт билан соат 21:00да машғулот ўтказган жамоа тактик ва техник тарафлама ишлади. Шунингдек, ўтган учрашувда жароҳат олиб майдонни тарк этган ҳужумчи Зафар Полвонов бугунги машғулотда қатнашди.

"Шабаб Ал Аҳли"га қарши кечган биринчи давра доирасидаги ўйинда АГМК ажойиб камбэкни амалга ошириб, Жокич ва Комиловнинг голлари эвазига ОЧЛ гуруҳ босқичидаги илк ғалабани тантана қилганди.

ОФК бўлажак учрашув расмийларини эълон қилди. Унга кўра, "Шабаб Ал Аҳли"га қарши кечадиган иккинчи беллашувни эски таниш ҳакам ироқлик Сабаҳ Ал-Қайси бошқаради. Эслатиб ўтамиз, мазкур ҳакам АГМКнинг плей-офф босқичидаги "Ал Гарафа"га қарши ўйинида ҳам ишлаганди. Сабаҳ Ал-Қайси учун бўлажак баҳс АГМК иштрокидаги иккинчи ўйинга айланади.

ОЧЛ-2021 гуруҳ босқичи.
"A" гуруҳи, 4-тур.
24 апрель, шанба.
"Шабаб Ал Аҳли" - АГМК (23:55)
Ар-Риёд, "Қирол Фаҳд" стадиони.
Ҳакамлар: Сабаҳ Ал-Қайси (Ироқ), Ҳайдер Али Убайдее (Ироқ), Амир Давуд Алвиндави (Ироқ), Али Шабан (Кувайт).

Фото. АГМК "Шабаб Ал Аҳли"га қарши ўйинга тайёр - жамоа машғулотидан махсус галерея

Миржалол Қосимов: "Буёғига бизни янада оғир ўйинлар кутмоқда"

Ўзига келган қанот ҳимоячилари, ўйинни ўзгартира олган Қосимов, АГМКдан "супер камбэк"

ОЧЛ-2021. Бугун АГМК "Шабаб Ал Аҳли" билан иккинчи бор ўйнайди