Мазкур баҳсда "шерлар" сафида уч нафар футболчи аниқ майдонга туша олмайди.

Драган Черан жароҳати боис нафақат Эрон клуби билан баҳсни балки ОЧЛдаги кейинги беллашувларни ҳам ўтказиб юбориши мумкинлиги ҳақида Фаҳриддин Рўзиев ўз каналида ёзганди.

3-турда "Ал Дуҳаил"га қарши баҳснинг сўнгги дақиқаларида сариқ карточка олган Икром Алибоевнинг ОЧЛдаги огоҳлантиришлари сони иккитага етди ва дисквалификацияга учради.

"Дуҳаил" билан учрашувда захирадан майдонга тушиб, якунда қизил карточка олган ҳужумчи Миржаҳон Мираҳмадов ҳам "Сепахон" билан ўйинда жамоасига ёрдам бера олмайди.

Маълумот учун, "Пахтакор"нинг қуйидаги футболчиларида битта сариқ карточка мавжуд: Драган Черан, Шерзод Аъзамов, Камен Хаджиев, Одилжон Ҳамробеков, Жасур Ёқубов, Ҳожиакбар Алижонов, Азизбек Турғунбоев, Фарруҳ Сайфиев. Агар бу футболчилар "Сепахон" билан ўйинда огоҳлантириш олишса, 6-турда "Ал Таавон"га қарши ўйнашмайди.

ОЧЛ-2022. "Сепахон" - "Пахтакор". "Шерлар" сафида Черандан ташқари яна икки йўқотиш бор