БААнинг Ал Айн шаҳридаги "Ҳазза бин Зайед" стадионида "Ал Айн" Саудия Арабистонининг "Ал Ҳилол" клубини қабул қилади. Ўйин Тошкент вақти билан 20:50да бошланади.

Маълумот учун, 2014 йилги ОЧЛ ярим финалида ҳар икки жамоа бир-бирига қарши баҳс олиб бориб, унда иккита ўйин натижасига кўра "Ал Ҳилол" 4:2 ҳисобида ғалаба қозониб финалга йўл олганди.

Айни пайтда иккала жамоа ҳам кучли таркиб ва ўйин услубига эга. Қолаверса, бу жуфтликдан кимнинг ярим финалга чиқишини тахмин қилиш қийин. Кўпчилик бу ўйинлар Наваф Ал Обид билан Омар Абдулраҳмоннинг ўзаро қарама-қаршилиги бўлади дея баҳоламоқда.

Эртага шунингдек, иккита баҳс бўлиб ўтади. Хитойда бўладиган ўйинда Одил Аҳмедов жамоаси ўз майдонида "Гуангжоу"ни қабул қилади. Шунингдек, Эронда "Персеполис" Саудиянинг "Ал Аҳли" клуби билан ўйнайди. Чоршанба куни эса Япониянинг иккита клуби "Кавасаки Фронтале" ва "Урава Редс" ўзаро баҳс олиб боради.

ОЧЛ. Чорак финал. Дастлабки учрашувлар

21 август
20:50. "Ал Айн" - "Ал Ҳилол"

22 август
17:00. "Шанхай СИПГ" - "Гуангжоу Эвергранд"
21:00. "Персеполис" - "Ал Аҳли"

23 август
15:00. "Кавасаки Фронтале" - "Урава Редс"

ОЧЛ. Бугун бўладиган "Ал Айн" - "Ал Ҳилол" ўйини билан чорак финалга старт берилади