ЯНГИЛАШ

Қуръа Малайзия пойтахти Куала-Лумпурдаги ОФК Бош қароргоҳида ташкил этилди. Шундай қилиб, "Насаф" Қаршида "Ал Айн"ни, "Навбаҳор" эса Наманганда "Ал Иттиҳод"ни меҳмон қилади.

Ғарбий минтақа нимчорак финал жуфтликлари:

"Насаф" – "Ал Айн" (БАА)
"Ал Файҳа" (Саудия Арабистони) – "Ал Насср" (Саудия Арабистони)
"Сепахон" (Эрон) – "Ал Ҳилол" (Саудия Арабистони)
"Навбаҳор" – "Ал Иттиҳод" (Саудия Арабистони)

Шарқий минтақа нимчорак финал жуфтликлари

"Чонбук Хюндай" (Корея) – "Поханг Стилерс" (Корея)
"Улсан Хюндай" (Корея) – "Ванфоре Кофу" (Япония)
"Шаньдун Тайшань" (Хитой) – "Кавасаки Фронтале" (Япония)
"Бангкок Юнайтед" (Таиланд) – "Йокохама" (Япония)

Маросимда "Навбаҳор" спорт директори Абдумалик Умрзоқов, "Насаф" Халқаро алоқалар ва лицензиялаш бўлими мутахассиси Қобилжон Шодмонов ҳамда "Насаф" спорт директори Ботир Қораев иштирок этди.

2-саватчадаги жамоалар нимчорак финалнинг дастлабки учрашувларини ўз майдонларида қабул қилишади. Мазкур баҳслар 12-13 февраль кунлари бўлиб ўтиши режалаштирилган.

Қуръадан аввал жамоалар 2 та саватга ажаратилади:

*гуруҳ ғолиблари (5та);

*гуруҳдаги энг яхши иккинчи жамоалар (3та).

Нимчорак финалда гуруҳ босқичида ўзаро рақиб бўлган жамоалар тўқнаш келмайди. Яъни "Ал Ҳилол" – "Навбаҳор" қарама-қаршилигини кўрмаймиз.

ОФК Чемпионлар Лигаси регламентига кўра, бир мамлакатнинг икки жамоаси плей-офф босқичида ўзаро тўқнаш келиши мумкин ва биз нимчорак финалда "Насаф" – "Навбаҳор" тўқнашувини ҳам кўришимиз мумкин.

ОЧЛ нимчорак финалига қуръа ташланди: Бензема Наманганга келади!