Ушбу баҳсни жанубий кореялик ҳакамлар бригадаси бошқариб боришади. Бош ҳакам - Ким Жонг Хёк. Унга қанотларда ҳамюртлари Юн Кванг Йеол ҳамда Чои Мин Бюнг ёрдам беришади. Эслатиб ўтамиз, бу учрашув Тошкент вақти билан соат 17:00да бошланади.

1983 йилда туғилган бу ҳакам халқаро фаолиятини 2009 йилда бошлаган. Умуман олганда бу ҳакам жамоаларимиз иштирокидаги жами 4та ўйинда ишлаган.

Ким Жонг Хёк бошқарган ўйинлар ҳақида маълумотлар:
Ўтган йил Уммонда бўлиб ўтган Осиё U-22 чемпионатида Ўзбекистон Хитойни 2:1 ҳисобида мағлуб этганди. Осиё Кубоги-2015 саралашида миллий терма жамоамиз сафарда Вьетнамни йирик ҳисобда таслим қилган - 3:0.

2013 йилги ОЧЛ илк турида "Пахтакор" Тошкентда Саудия Арабистонининг "Ал Иттифоқ" клубини қабул қилиб ғалабага эришган - 1:0.

Бу йилги Осиё чемпионлар лигасининг 1-туридан ўрин олган “Ал Ҳилол” – “Локомотив” учрашувида ҳам айнан шу рефери фаолият олиб борди. Бу ўйинда “темирйўлчилар” 1:3 ҳисобида ютқазиб қўйишди.

ОЧЛ. 3-тур. "B" гуруҳи
ПАХТАКОР - АЛ АЙН
18 март 2015. Тошкент. "Пахтакор" стадиони. 17:00
Бош ҳакам: Ким Жонг Хёк (Ж.Корея)
Қанот ҳакамлари: Юн Кванг Йеол (Ж.Корея), Чои Мин Бюнг (Ж.Корея)
Тўртинчи ҳакам: Ким Хи Гон (Ж.Корея)
Назоратчи: Масуд Иноят (Эрон)
Комиссар: Давид Дуайт Пенано (Филиппин)

ОЧЛ. "Пахтакор" - "Ал Айн". Ким Жонг Хёк биз учун қанчалик омадли ҳакам?