Қуръа натижаларига кўра, амалдаги чемпион “Пахтакор” “B” гуруҳидан жой олди ва “Ал Шабаб” (С.Арабистони), “Ал Айн” (БАА) клубларига қарши баҳс олиб боради. Гуруҳдаги тўртинчи жамоа номи эса плей-офф ўйинларидан сўнг маълум бўлади.

Яхши биласиз, Осиё чемпионлар лигасида легионерлар катта роль ўйнайди. Кўплаб араб жамоаларида кўрганмиз, асосий ишни кўпинча легионерлар бажариб беришади. Шу боис “Пахтакор”га қарши тўп сурадиган клублар таркибида қайси легионерлар ўйнаётгани борасида қисқача маълумот бериб ўтамиз.

“Ал Шабаб” легионерлари
Саудия клуби сафида жами беш нафар легионер тўп тепмоқда ва шулардан бири осиёлик. ОЧЛ регламентига кўра, ҳар бир клуб 3+1 лимити бўйича чет эллик футболчини рўйхатдан ўтказиши мумкин. Шундай экан, “Ал Шабаб”да бир нафар хорижлик “заявка”дан тушиб қолади. Легионерлар ичида энг таниқлиси Рафинья билан Парк Чу Ёнг ҳисобланади.

Тариқ Зеяд (Иордания)
Ёши: 22
Амплуаси: ҳимоячи

Рафинья (Бразилия)
Ёши: 31
Амплуаси: ярим ҳимоячи

Рожериньо (Бразилия)
Ёши: 27
Амплуаси: ҳужумчи

Мбайи Диагне (Сенегал)
Ёши: 29
Амплуаси: ҳужумчи

Парк Чу Ёнг (Ж.Корея)
Ёши: 29
Амплуаси: ҳужумчи

“Ал Айн” легионерлари
“Ал Айн” сафида эса тўрт нафар чет эллик футболчи ўйнаяпти. Шубҳасиз, легионерлар орасида энг машҳури Асамоа Гьян бўлиб, у деярли ҳар ўйинда гол уради. Шунингдек, Жирес Кембо-Экоко билан Мирослав Стокнинг ҳам ўйинлари чакки эмас.

Асамоа Гьян (Гана)
Ёши: 29
Амплуаси: ҳужумчи

Жирес Кембо-Экоко (Франция)
Ёши: 26
Амплуаси: ҳужумчи

Мирослав Сток (Словакия)
Ёши: 25
Амплуаси: ярим ҳимоячи

Ли Мёнг Жу (Ж.Корея)
Ёши: 24
Амплуаси: ярим ҳимоячи

ОЧЛ. “Пахтакор”га қарши ўйнайдиган легионерлар