Мазкур баҳс олдидан қатарликлар сардори Хави учун махсус маросим ташкил этилди. У бугун охирги учрашувини ўтказмоқда.

Испаниялик футболчи фаолиятининг асосий қисмини «Барселона» сафида (767та ўйин) ўтказган. Испания термасида эса у 2000-2014 йиллар мобайнида тўп тепиб, 133 баҳсда иштирок этганди. У «кўк-анорранглилар» билан 8 бора ЛаЛига чемпионлигини қўлга киритган. Шунингдек, унинг ҳисобида Испания Кубоги (3) ҳамда суперкубоги (6) титуллари бор. ЕЧЛда эса 4 марта ғолиб бўлган. 39 ёшли ярим ҳимоячи клублар ўртасидаги ЖЧ ва УЕФА суперкубогида эса иккитадан чемпионликни қўлга киритган.

«Қизил фурия» билан Хави 2010-йилда мундиал чемпионлиги ва 2008-2012 йиллардаги Европа чемпионатларининг бош совринларига эга чиққан.

ОЧЛ. "Персеполис" – "Ал-Садд" учрашувидан олдин Хави рақиб футболчилари билан расмга тушди