Кеча Шарқ минтақасидаги ўйинлар ҳақида алоҳида хабар берган эдик.

Ғарб минтақасида ўтган ўйинлар анча қизиқарли кечди.

Ҳамюртимиз Иван Нагаев тўп тепаётган Қувайтнинг "Ал Қодсия" клуби ўз майдонида Иорданиянинг "Ал Виҳдат" клубини таслим қилди - 1:0. Энди "Ал Қодсия" кейинги босқичда Саудия Арабистонининг "Ал Аҳли" клуби билан беллашади.

Қатарнинг "Ал Жайиш" клуби ўз уйида Умоннинг "Ал Наҳда" клубининг жиддий қаршилигига учради. Дастлаб уммонликлар ҳисобни очишди. Қатар клуби бунга 78 ва 90+2-дақиқада урилган голлар билан жавоб берди - 2:1.

Ниҳоят "Ал Садд" (Қатар) ва "Риффа" (Баҳрайн) ўртасидаги ўйиннинг асосий ва қўшимча таймларида ҳисоб очилмади. Пенальтилар сериясида эса мезбонлар омадлироқ чиқишди - 11:10.

Ғарб минтақаси
Плей-офф иккинчи босқич
10 февраль
"Ал Жайиш" (Қатар) - "Ал Наҳда" (Уммон) 2:1
Голлар: Вагнер Рибейро 78, Ромариньо 90+2 - Воуллани 4.

"Ал Қодсия" (Қувайт) - "Ал Виҳдат" (Иордания) 1:0
Гол: Дҳари Саид 59.

"Ал Садд" (Қатар) - "Риффа" (Баҳрайн) 0:0 (пенальтилар серияси 11:10)

Плей-офф учинчи босқич
17 февраль
"Ал Аҳли" (Саудия Арабистони) - "Ал Қодсия" (Қувайт)
"Нафт Теҳрон" (Эрон) - "Ал Жайиш" (Қатар)
"Бунёдкор" (Ўзбекистон) - "Ал Жазира" (БАА)
"Ал Ваҳда" (БАА) - "Ал Садд" (Қатар)

ОЧЛ. Плей-офф иккинчи босқич. Ғарбда учта ўйин бўлиб ўтди