Бугун тонгда Тошкентга қайтиб келган футболчи сайтимиз меҳмони бўлди.

"Аввало "Анжи"даги фаолиятим учун доғистонликларга катта раҳмат айтаман. Уч йил давомида Россия премьер-лигасида яхши мавсумни ўтказдим. Қолаверса, Европа лигасида дебют қилдим. Бу мен учун катта мактаб бўлди. Афсуски, "Анжи" қуйи лигага тушиб кетди. Аммо бу жамоа мухлислар учун яна кучлилар сафига қайта олишига ишончим комил. Ўзимга келсам, олдимда вариантлар кўп эди. "Краснодар" раҳбарияти мени ўз сафида кўришни истади. Бу футболчи учун жуда муҳим. Ишонч бор жойда футболчи ўзини эркин ҳис этади. "Краснодар"ни танлашимга яна бир сабаб, бу ерда болалар футболига жуда катта эътибор қаратилади. "Анжи"га эса яна бир бор раҳмат айтаман", - дейди Одил Аҳмедов.

- ЦСКАдан ҳам таклиф борлиги ҳақида хабар чиққанди?
- Улардан ташқари араб клубларидан яхши шартнома таклиф қилишганди. Аммо мен Россияда қолишни истадим. ЦСКАнинг Россияда тутган ўрни катта. Бу жамоа амалдаги чемпион ҳисобланади. "Краснодар" эса мени ўз сафига қўшиб олишни анчадан бери хоҳлаётган эди. Йилма йил натижаси яхшиланиб бораётган клубда ўз ўрнимга эга бўламан деган умиддаман.

П.С: Сайтдан маълумот олаётганда манзилни АНИҚ ва ТИНИҚ кўрсатиш талаб этилади!

Одил Аҳмедов: "Краснодар" мен учун тўғри танлов бўлди"