Инилеев Намангандаги спорт коллежда мураббийларининг малакасини назорат қилади ва уларга ўз билимларини бериб бориш билан бир қаторда 2004 йилда таваллуд топган футболчилар билан фаолият олиб боради.

Шунингдек, Рауф Талгатович сентябрь ойида водийда старт оладиган чемпионлар лигаси мусобақасининг раҳбари бўлади.

Эслатиб ўтамиз, Одил Аҳмедов айнан Рауф Инилеев қўл остида Ўзбекистон миллий терма жамоасида ўзининг дебют учрашувини ўтказган эди. Ўшанда Одил Хитой Тайпейи терма жамоасига қарши асосий таркибда майдонга тушган.

"Мендан доим сўрашади, қаердаги ишим ўзимга кўпроқ ёққанини. Ҳар сафар жавобим бир - интернатдаги фаолиятим! 80-йилларда Республика олимпия захиралари коллежидаги фаолиятимни ёрқин хотиралар билан эслайман. Менинг синфимдан кейинчалик МТЖда ўйнаганлардан Ирисметов, Пирматов, Назаров каби ёрқин футболчиларни кўрсатишим мумкин. 18 нафар шогирдимдан 12 нафари олий лигада фаолият олиб борди. Бу - менинг ютуғим. Олдимда 2-3та иш турган бўлса-да, ўйлаб ўтирмай Аҳмедовнинг таклифини қабул қилдим. Яна бир бор болалар футболида фаолият олиб бориб роҳат олмоқчиман. Водий футболининг равнақига ўзимнинг оз бўлса-да ҳиссамни қўшсам хурсанд бўлардим", - дейди 2007 йил "Осиёнинг энг яхши мураббийи" деб топилган Рауф Инилеев.

Одил Аҳмедов Рауф Инилеевни водий футболи равнақи йўлида Наманганга таклиф этди