Шу кунга қадар жамоани бир қатор футболчилар тарк этишга улгурди. Эшитишимизга қараганда қараганда "шерлар"нинг яна бир футболчиси Одил Ҳамробековга БААнинг "Ал Айн" жамоасидан қизиқиш бўлган. Ушбу хабарларга аниқлик киритиш мақсадида Ҳамробековнинг ўзига юзландик.

"Янги мавсумга кўтаринки кайфиятда тайёргарлик олиб бормоқдамиз. Футболчиларга берилган танаффусда ҳам мураббийларимизнинг кўрсатмаларига кўра индивидуал тарзда шуғулланиб, спорт формамизни ушлаб туришга ҳаракат қилдик. Мураббий алмашиш ҳар бир жамоада рўй берадиган жараён ҳисобланади. Питер Хюистра "Пахтакор" жамоасига бегона эмас. Уч ярим йил давомида бирга фаолият олиб борганмиз, бир-биримизни яхши тушунамиз.
"Ал Айн"дан таклиф? Бу ҳақида ўзимга ҳеч қандай чорлов тушмади. Легионерга айланиш ёки айланмаслигимни вақт кўрсатади. Клуб билан амалда шартномам бор",- дейди Ҳамробеков.

Одил Ҳамробеков "Ал Айн"га ўтадими? Унинг ўзи жавоб берди