- Одил, ўйин қандай ўтди?

- Расмий ўйинлар бошланишидан олдинги охирги ўртоқлик учрашувимиз эди. Ўйлайманки, бу ўйинни яхши ўтказдик ва ғалаба қозондик. Стадионга келган мухлислар ҳам ажойиб муҳит яратишди. Ўйин ҳақидаги фикрларга келадиган бўлсак, ўйиндан ўйинга мураббийнинг топшириқларини яхши бажаришга ҳаракат қиляпмиз. Энди буёғига расмий ўйинлар қолди. Бу ўйинларда ҳам яхши ҳаракат қилмоқчимиз, чунки бизни келгусида жиддий ўйинлар кутмоқда.

- Сир эмаски, майдонда чим туфайли иккала жамоа ҳам қийналди. Нима деб ўйлайсиз, ўйин ўтказмай туриш керакмиди?

- Майдонни синаб кўриш керак эди. Ўйинларни ўтказиб ҳам тўғри қилишди. Расмий ўйингача майдоннинг камчиликлари ҳамда сифати кўриб олинди. Ўйлаймизки, расмий ўйинларгача бу муаммолар бартараф этилади.

Алишер Остонов ёзиб олди.

Одил Ҳамробеков: "Стадионга келган мухлислар ажойиб муҳит яратишди"