Унда янги ташкил этилган Ўзбекистон футзал федерациясининг президенти Бекзод Маматқулов ҳам иштирок этди ва журналистларнинг саволларига жавоб берди.
"Мамлакат футзал бундан буён қандай бўлади деган савол бор эди. Ўшанда биз ҳозир тайёр эмаслигимизни, халқаро тажриба, тизимларни ўрганишимизни, ичкарига киришимизни айтгандим. Орадан вақт ўтди. Бу вақт ичида Латвия, Туркия, Польша каби мамлакатларда бўлдим. Тизимлар билан танишдик. Қисқа вақт ичида Бразилия, Испания тажрибаларини ўргандик. Футзалнинг 3 йиллик дастурини ишлаб чиқдик.
Аввал "Турон Солиқчи", "Рўзмат Мадаминов" каби жамоалар бўлган. Буларнинг замирида футзални яхши кўрадиган инсонлар ётган. Андижон, Самарқанд, Хоразмда футзални ривожлантириш бўйича катта салоҳиятга эгамиз. Бугунги кунда ФИФАда футзални Олимпиада ўйинларига олиб кириш масаласи кўриб чиқилмоқда. Биз ҳам бу йўналишда ҳаракатни жадаллаштиришимиз керак. Футзал географиясини кенгайтиришга ҳаракат қиламиз. Чемпионат форматига келсак, ўша эски формат қолади. Фақатгина вақти ўзгаради. Жойи ўзгаради. Биринчи ўйинимиз 15:00, кейингиси 17:00, сўнг 19:00да бошланади. Ҳар қандай клуб тур ўтадиган вақтда 1 кун дам олади, 2 та ўйин ўтказади. Клубларнинг 60 фоизида маош бермайди. Биринчи ўринда инфратузилмани қилиб олишимиз керак",- дейди Бекзод Маматқулов.
Изоҳлар