Биринчи даврани 12-ўринда якунлаган туринликлар жамоага бошчи сифатида Вальтер Маццаррини таклиф қилди. Ваҳоланки, Маццаррига бунга қадар Ўзбекистон футбол федерацияси ҳам қизиқиш билдираётганди. ЎФФ матбуот хизмати тақдим этган 9 кишилик рўйхат Маццаррининг шартномасидан кейин биттага қисқарди.

“Торино”даги дебют омадли келди ва клуб Маццарри билан илк ўйиндаёқ йирик ғалабани қўлга киритди. Бунга қадар туринликлар иштирокидаги 3 та йирик натижа кузатилган бўлиб, шуларнинг 2 тасида “Торино” имкониятни бой берганди: “Ювентус” 0:4, “Фиорентина” 0:3. Қолаверса, “Болонья”га қарши биринчи давра ўйинида ғолибни аниқлашнинг имкони бўлмаганди — 1:1. Маццаррри эса жамоани қайта “уйғотгандек”.

Айни вақтда “Милан”дан олдинроқда турган “Торино” навбатдаги турни 21 январь куни “Сассуоло” майдонида ўтказади. Ўша учрашувдаги эҳтимолий ғалаба клубни А сериянинг олтинчи жамоасига ҳам айлантириб қўйиши мумкин.

ЎФФ рўйхатига кириб қолган Вальтер Маццаррининг “Торино”даги дебюти чакки эмас