Мазкур учрашув атрофида катта муаммо юзага келгани ҳақида хабар бергандик.

Асли бразилиялик бўлган, ўша кунги учрашувда дубл қайд этган Сантос Вандерлей БАА Про лигасида Индонезия фуқароси сифатида қайд этилган экан. Буни билиб қолган "Ал Жайиш" раҳбарияти "Ал Наср"ни регламентга амал қилмаганини билдирувчи хатни ОФКга йўллаган. Ўз навбатида клуб Индонезия ФФга мурожаат қилиб, улардан бундай футболчи йўқлиги ҳақида маълумот олганлар.

ОФК мазкур ҳолат юзасидан текширув ўтказди қарор қабул қилди: "Ал Жайиш" - "Ал Наср" ўртасидаги ўйин натижаси бекор қилинсин. Сабаби меҳмон жамоа сафида ҳужжатини соҳталаштирган Вандерлей исмли футболчи ўйнаган. "Ал Наср" ОФКга 1000 АҚШ доллари миқдорида жарима тўлайди.

ОФК биринчи ўйин натижаси қандай бўлгани ва жавоб баҳси қачон бўлиб ўтиши ҳақида ҳеч қандай изоҳ берганича йўқ.

Эслатиб ўтамиз, мазкур жуфтлик ғолиби ОЧЛ ярим финалида, "Локомотив" (Тошкент) - "Ал Айн" (БАА) жуфтлиги ғолибига қарши баҳс олиб боради.

ОФК: "Ал Жайиш" - "Ал Наср" учрашуви натижаси бекор қилинди